سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

جائی جائی تے اسی آں رُلے
ہنجو اکھیاں توں بُک بُک ڈہلے
دل چہلا کتھے ہونڑ جُلے
تاہیوں اج تک اسی نئیں پُہلے

سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

جدا ہو کے تیرے توں روئے
دکھ مونڈیاں تے رخ کے ٹہوئے
کدی سکھ دی نیندر نہ سوئے
کدی دلے آں چین نئیں دیندا
مہاں کدرے بیہنڑ نئیں دیندا

سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

راتاں لنگدیاں گنڑ گنڑ تارے
یادآندے نے سوہنڑے سارے
کدوں جلساں اسی ہزارے
جتھے وسدے دلاں دے پیارے
پیا دلے وچ چھریاں مارے

سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

انہاں اکھاں بچ رہ گئی اداسی
کدے اسی بی جلساں بٹراسی
کدی یاد پردیسیاں دی آسی
جند رہ گئی پیاسی دی پیاسی
اساں خاباں بچ ہونٹر اے ستاسی

سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

شاماں پیندیاں تے دل ساڈا ڈردا
تیرے شہر بچ پھرن آں جی کردا
تیرے ہاسیاں تے اج تک طاہر مردا
جانی اپنڑا توں کیوں نئیں مہاں کردا
سپ بنڑکے دلے تے پیا پھردا

سوہنڑی دا گراں سنگیو اوہ مٹھا مٹھا ناں سنگیو
اوہ پھلاں دی خشبو سنگیو توتاں دی چھاں سنگیو

طاہراحمدطاہر

I5 I4I3I2I1I