انگریزی دور توں بہوں پہلے اس پورے ریجن بچ سنسکرت دا دور ایہا جس دے قانون ہک پرانڑے گرائمر دان نے وضع کیتے ایہے ۔جس دا ناں پانینی ایہا۔اسی دوران ہک ہور زبان پراکرت وجود بچ آئی تے کافی سارے علاقیاں تے قبیلیاں بچ بولی جلنے لگی خاص طور تے شمالی علاقیاں بچ۔ہندکو دے بارے بچ خیال کیتا جلدا اے کہ اے پراکرت زبان دے بہوں نیڑے دی زبان اے۔۔۔بدقسمتی نال علاقے دی جضرافیائی مشکلات دی وجہ نال اس زبان بچ گرائمر وجود نہ پاہکی اگر کج گرائمر پائی بی جلدی اے تے بہوں تھوڑی اے۔فیر اس زبان نے اپننڑی نال آلیاں زباناں۔پنجابی۔پشتو۔ لہندا ۔سرائیکی ۔توں گرائمر دے سارے سورس حاصل کیتے۔ اسی واسطے جیہڑی ہندکو شمال بچ بولی جلدی اے اس دا لہجہ خصوصاً پشتو نال ملدا اے۔درمیان بچ کج کج پنجابی پشتو سرائیکی نال ملدا اے تے اگر بالکل تلہاں آ جلو تے اٹک دی ہندکو سرائیکی توں بہت متا ثر ہو جلدی اے۔

ہندکو زبان بولنے والیاں دی ہک اچھی خاصی تعداد موجود اے ۔جیہڑی اس وقت کوہستان،مانسہرہ،کاغان ،ناران،مظفر آباد،آزاد کشمیر،ایبٹ آباد ،حویلیاں ہری پور اٹک ،پشاور کوہاٹ۔ڈیرہ اسماعیل خان،وغیرہ علاقیاں بچ رہندے نے

ہزارہ ڈویژن بچ اس ویلے بہت ساریاں نسلاں آباد نے خاص طور تے اس علاقے دے لوکل رہنے والے۔اعوان، تنولی، ترین،عباسی،کڑلال،جدون،طاہر خیلی،سواتی ،

.I.2.I.1.I.