خالدحُسین شاہ

نام: ۔ سید خالد حسین شاہ
پیشہ: فیڈرل گورنمنٹ سرونٹ[منسٹری آف آئی ٹی، گورنمنٹ آف پاکستان اسلام آباد۔]
تاریخ پیدائش:۔ ۔۔ ۱۵ دسمبر
بُرج:۔ قوس
پیدائش کا ضلع:۔ شیربائی سیداں، ڈاکخانہ شیروان، تحصیل و ضلع ایبٹ آباد، صو بہ سرحد۔پاکستان
تعلیم:۔ ایم۔اے[ھسٹری] پنجاب یونیورسٹی لاہور
ڈومیسائیل:۔ مانسہرہ ھزارہ
موجودہ پتہ:۔ اسلام آباد
دلچسپیاں: ۱۔ صحافت ۔ ریڈیو ۔ ٹی وی۔ انٹر نیٹ [ دیکھنا،پڑھنا پڑھانا اور لکھنا لکھانا[ہندکو، اردو، انگلش]
منسلک رہا : ۲۔ : ہفت روزہ شونگاڑ مانسہرہ، ہفت روزہ جنوب مانسہرہ، روزنامہ شمال ایبٹ آباد ، روزنامہ آج ایبٹ آباد،روزنامہ جنگ راولپنڈی،ویکلی میگ راولپنڈی، روزنامہ کائینات اسلام آباد، روزنامہ نوائے وقت راوپنڈی۔
انٹرنیٹ ایڈیشن: ۳۔ : اپنامانسہرہ ڈاٹ کام، اپنا ایبٹ آباد ڈاٹ کام، اپنا ھزارہ ڈاٹ کام، ھزارے وال ڈاٹ کام، اردو پوائینٹ ڈاٹ کام
بیک گراونڈ: میرے نانا سید مُحمد شاہ جن کا تعلق اخباری دُنیا سے بہت گہراتھا سے میں بہت زیادہ متاثر تھا۔ آپ ضلع ایبٹ آباد کے گاؤں شیر بائی سے تعلق رکھتے تھے۔ اپنی ابتدائی تعلیم کے بعد سید مُحمد شاہ صاحب اپنے چچا سید مدثر شاہ کے ساتھ لاہور تشریف لے گئے اور انہوں نے شاہ صاحب کواس وقت کے مشہور خطاط تاج الدین رقم کے پاس علمِ خطاطی کے حصول کے لیئے چھوڑ دیا کیونکہ شاہ صاحب کی ہینڈ رائیٹنگ قابلِ دید تھی گو کہ انکی تعلیم کم تھی مگر قدرت کا عطا کردہ فن یعنی خوبصورت لکھنے کی صلا حیت ان میں بچپن سے ہی تھی اسی صلاحیت کو پروان چڑھانے کے لیئے آپ کے اساتذہ آپ کے فن کے مداح تھے۔ شاہ صاحب کی دلچسپی اور محنت نے جلد ہی استاد رقم کو بھی اپنا گرودیدہ بنالیا اور وہ ان پر اور انکے کام پر خاص توجہہ دینے لگے۔ ایک سال تک مُحمد شاہ صاحب نے خطاطی کے علم میں مہارت حاصل کر لی اس دوران اس وقت کے مشہور ناول نگار نسیم حجازی کے ساتھ بھی کام کیا اور انکے مشہور ناول خاک اور خون کے لیا لکھنا شروع کیااور اس وقت کے مشہور سالناموں خیام اور چٹان کے لئے بھی اپنے فن کا جادو جگایا۔ کچھ عرصہ بعد آپ میر خلیل الرحمن کے مشہور اخبار جنگ سے منسلک ہو گئے اور موجودہ روزنامہ جنگ کے لیئے اپنے ہاتھ سے کالم لکھنے لگے۔ پیسہ اخبار اس وقت کا دوسرا بڑا اخبار تھا جسکے لیئے سید مُحمد شاہ صاحب کی خدمات حاصل کی گئیں۔ اس کے ساتھ ساتھ شاہ صاحب اردو ادب کے مختلف جریدوں اور رسالوں کیلیئے بھی کالم لکھتے رہے اور اپنے ہاتھ سے لفظوں کے موتی پرو کر ان اخباروں، جریدوں اور رسالوں کو سالہا سال تک سجاتے رہے۔ میں نے حوش سنبھالا تو نانا جان کو اپنے قریب زیادہ پایا اور ان کی روز مرہ کی مصرفیات قریب سے دیکھنے کا موقع ملا۔ ہر وقت کوئی نہ کوئی گاؤں کی یا دور پار کی معتبر شخصیت ان کی بیٹھک میں حاضر رہتی اور ان سے کسی نہ کسی موضوع پر اصلاح لیتے نظر آتے۔ آہستہ آہستہ میری دلچسپی بھی ان معاملات میں بڑھتی رہتی۔ میں جب تھوڑا بڑا ہوا تو ان کے فن پارے اور انکی صحافتی زندگی کے کمالات جو انہوں نے اپنے ہاتھ سے پروئے تھے نظر آئے تو میں نے ان سے درخواست کی کہ مجھے بھی یہ فن سکھایا جائے تو انہوں نے سب سے پہلے مجھے چند لائنیں لکھنے کو دیں اور کہا کہ ان کو سیاہی والے حولڈر سے لکھ کر لے آؤ۔۔جب میں یہ لائینیں لکھ کر لے گیا تو انہوں نے میری ہینڈ رائٹنگ دیکھتے ہوئے کہا کہ نہ بِلے یہ چیز آپ کے بس کی نہیں ہے۔۔۔ آپ سب سے پہلے اپنے خط کو خوشخطی میں ڈھالو تب کوئی بات بنے گی۔ انہوں نے مجھے سکھانے کے لیئے کافی محنت کی مگر میں اس فیلڈ میں نہ آسکا۔ لیکن ان کے ساتھ گزارے ہوئے کچھ برس مجھے صحافتی دنیاکی طرف مائل کر گئے اور مجھے لکھنے لکھانے کا شوق پیدا ہو گیا یہی وجہ ہے کی میرے آگے جو بھی ٹاپک آیا میں نے لکھنے کی کوشش کی خواہ وہ اخباری نمائیندگی ہو، لوکل اخبار میں سماجی ، علاقائی یا قومی خبر لکھنا ہو ، اپنے علاقے کے بارے میں کوئی آرٹیکل ہو یا کسی روزنامہ ، ہفت روزہ جریدے ، انٹرنیٹ وغیرہ میں کوئی ہندکو، اردو یا انگلش آرٹیکل ہو میں نے اس کے لیئے لکھنے کی سہی کی اور اپنے علاقہ اور خطے کو اخبار یا رسالہ کی زینت بنائے رکھا۔ یہ سب کچھ میرے نانا محترم سید مُحمد شاہ خوشنویس کی صحبت کا اثر کہا جا سکتا ہے۔ اللہ تبارک تعالی ان کو اپنے جوارِ رحمت میں اعلی مقام عطا فرمائے اور ہم سب پر اپنا رحم و کرم فرمائے[آمین]۔